عمرو أديب: مابدورش على تريند وخلاص في آخر شهوري في العمل الإعلامي

أكد الإعلامي عمرو أديب أنه لا يبحث عن التريند وأن أي موضوع يناقشه في برنامجه هو لطرح أفكار جديدة ومناقشة ما يحدث في البلاد، سواء تحدث عن سلبيات أو إيجابيات مثل افتتاح المتحف المصري الكبير.

وقال عمرو أديب موجها رسالة للجمهور خلال برنامجه "الحكاية": "أنا خلاص في آخر سنيني أو شهوري في العمل الإعلامي أنا عملت كل حاجة الحمد لله تحبني تكرهني أنا عملت كل شيء في الشغلانة دي وعامل أرقام قياسية لو أروح موسوعة جينيس هيحطونني أكتر عدد ساعات لبرنامج توك شو في العالم مش بس في العالم العربي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عمرو أديب: "لكن في شيء بيبقى عظيم عايز تبرزه وتقف جنبه وأنا خلاص وقفت جنبه، لأن في ناس متضايقة وبيقولوا كفاية، الحمد لله عملنا شيء عظيم حابب أنكم تعرفوه وحابب الأجيال الجديدة تعرف وتقرأ يا جماعة أنا عرفت حكاية توت عنخ أمون من كتاب أنيس منصور "لعنة الفراعنة" اتجننت بيه، أنيس منصور دا أجيال جديدة متعرفوش هو دا اللي خلانا نقرأ كل كتبه، كنت أعرف أستاذ كمال الملاخ الصحفي العظيم مكتشف مركب الشمس، كل هذه الأشياء كانت في وجدانا، في أجيال طالعة آخرها الروبلوكس أرجوكم أرحموا جيل الروبلوكس أدوا الناس شيء تتسند عليه، ما أنا كمان مش عايز أبني أجيال معندهاش حاجة في حياتها، أنت مصري مش مولود من الحائط أنت مولود من التاريخ والعظمة، أنا حاولت الأسبوع اللي فات أديك الجرعة الي تستحقها، غير كده أوعدك هنكد عليك ولطميات وسواد لكن كان في شيء البلد عملته لا يجب أن ننكره".

نرشح لك: #شرطة_الموضة: روبي بفستان طويل بفتحة جانبية لأعلى الفخذ وبلا أكمام ... سعره 58 ألف جنيه

وأكمل عمرو أديب: "أنا مابدورش على تريند عمرو أديب تريند لوحده، أنا بدور على مادة أديهالك تبقى مفيدة بالنسبالك، خلوني شوية أفرح معاكم وبعدين النكد".

ابحث في الأخبار

عمرو أديب: مابدورش على تريند وخلاص في آخر شهوري في العمل الإعلامي

التعليقات