ليلى علوي باكية في افتتاح مهرجان الإسكندرية: ممتنة جدا إن المهرجان بيعمل الدورة دي باسمي ... ده تكريم كبير

ألقت النجمة ليلى علوي كلمة في حفل افتتاح مهرجان الإسكندرية السينمائي لدول البحر المتوسط، عبرت فيها عن سعادتها بأن هذه الدورة تحمل اسمها.

وقالت ليلى علوي في كلمتها: "أنا كمان بحبكم جدا وحبكم بالنسبالي سر سعادتي وحياتي لأن حبكم وتقديركم واحترامكم لمشواري الشخصي هو ده مصدر الحياة بالنسبالي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت: "بشكركم والحضور الكريم جدا وكل زمايلي الغاليين عندي وعشرة العمر، أستاذة إلهام اللي لسه واصلة إمبارح من باريس عشان تيجي النهاردة، أستاذ محمد صبحي والنجمة يسرا وأستاذ خالد عبد الجليل، شكرا ليكم جميعا ودايما في ظهر بعض، وشكرا الجمهور الحبيب اللي بيشجعني أختار كويس وأعمل له أعمال تليق بيه وتفيده وتفيد مجتمعنا".

وتابعت: "الإنسان هو الإنسان في العالم كله، ومشاكلنا وقضايانا مهما اختلفت الجنسيات واللغات الإنسان واحدة، وأنا إنسانة وأعز الإنسانية في العالم وأتمنى السلام للعالم كله، لبلدي والوطن العربي وفلسطين الغالية.

طالع أيضا - ياسمين صبري بإطلالة أنيقة في أحدث جلسة تصوير من باريس

وأكملت: "شكرا لمهرجان إسكندرية عروس البحر المتوسط اللي بيحتفل النهاردة بسينما البحر المتوسط، وممتنة جدا إن المهرجان بيعمل الدورة دي باسمي، ده تكريم كبير".

واختتمت ليلى علوي كلمتها قائلة: "شكرا لأهلي اللي استحملوني العمر ده كله، يمكن أكون قصرت ناحية أهلي وبيتي وأصدقائي، بس استحملوني وساعدوني".

ابحث في الأخبار

ليلى علوي باكية في افتتاح مهرجان الإسكندرية: ممتنة جدا إن المهرجان بيعمل الدورة دي باسمي ... ده تكريم كبير

التعليقات