تامر حسني يواصل دعم جمهوره: كل واحد يكتبلي نفسه يحقق إيه في الحياة

واصل الفنان تامر حسني دعم جمهوره عبر حسابه الشخصي بموقع التواصل الاجتماعي Insgtram.

وشارك تامر حسني جمهوره ومتابعيه صورة له، وعلق عليها قائلًا: "كل محبيني الكرام، كلامي اللي في البوست ده نفسي يوصل للكل وينفذه، ومحدش يسألني ليه بقول كدا بس أتمنى من كل قلبي إنكم تعملوا اللي هقوله".

نرشح لك - رانيا يوسف: مش زعلانة من حسين فهمي بسبب ملابس مهرجان القاهرة السينمائي ... ومابتعمدش أكون تريند بالفساتين

وأضاف: "أنا والله العظيم بحبكوا أوي يا جماعة ولا عمري حسيت نفسي معاكم غير أخ أو حد من عيلتكم يلا دلوقتي حالًا كل حد فيكوا يكتبلي في تعليقه نفسه يحقق إيه الفترة اللي جاية أرجوكم شوفوا نفسكوا محققين ده وإن شاء الله هيحصل".

وتابع: "أرجوكم أرجوكم اكتبوا اللي نفسكوا فيه وعندكوا يقين كبير بالله إنه هيحصل مش هتخسروا حاجه لو صدقتوني وعملته كدا مش جايز أطلع صح بس طبعًا نسعى ونجتهد بلا يأس".

واختتم تامر حسني حديثه، قائلًا: "البوست هيفضل موجود لو حد حاله أتغير للأحسن، وبدأ يحقق اللي كتبه يبقى يفتكرني بالدعاء".

ويعرض لتامر حسني حاليا في السينما فيلم "بحبك" بمشاركة هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.

ابحث في الأخبار

تامر حسني يواصل دعم جمهوره: كل واحد يكتبلي نفسه يحقق إيه في الحياة

التعليقات