هيدي كرم: إحنا وربنا متصلين ببعض من قبل الأديان .. ديني مهم لأي حد في إيه؟

أبدت الفنانة هيدي كرم تعجبها من تكرار السؤال عن ديانتها، بسبب تصريح منسوب لها عن تقبلها فكرة الارتباط بشخص على دين مختلف.

وقالت هيدي كرم خلال حوارها في برنامج Mirror الذي يقدمه الإعلامي خالد فرج: "ديني مهم لأي حد في إيه؟ نفترض إني قررت أعمل حاجة مش مقبولة أو حرام، أتجوز راجل مش من ديني وأنا مسلمة، هل أنا قلت إنه مش هيغير دينه؟ مين اللي هيحاسبني، إنت ولا ربنا؟"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت هيدي كرم: "إحنا من قبل الأديان إحنا وربنا متصلين ببعض، لأنه نفخ فينا من روحه، وكان بيكلمنا وبيدينا أوامر وبنسمعه ونطيعه وأحيانا نعصاه. الأديان ظهرت بعدين، ومكانتش البني آدمين بتختلف على حاجة لها علاقة بالدين، وربنا لما خلق الأديان وسمح بالاختلاف عشان يعلمنا قيمة تقبل الآخر".

وتابعت: "إحنا كبلد متقدمة وعريقة وعظيمة زي مصر لازم نتعلم الإنسان ميبقاش بالنسبة لي مسلم ولا مسيحي، يبقى بالنسبة لي دينه هو أخلاقه ومعاملته".

طالع أيضا - #شرطة_الموضة: ياسمين صبري تخطف الأنظار بفستان مستوحى من شكل زهرة التوليب بفتحة جانبية طويلة في عرض L’Oréal Paris في أسبوع الموضة بباريس

وكانت هيدي كرم تحدثت عن فكرة تقبلها الزواج من غير ديانتها.

وقالت هيدي كرم خلال لقائها في بودكاست "وفيها إيه": "في ناس كتير اتجوزت من نفس ديانتها وفشلت وناس اتجوزت من ديانات مختلفة والعلاقة نجحت، أنا مؤمنة تماما أن الدين دا حاجة بيني وبين ربنا".

ابحث في الأخبار

هيدي كرم: إحنا وربنا متصلين ببعض من قبل الأديان .. ديني مهم لأي حد في إيه؟

التعليقات