فيديو - رحمة محسن: هتجوز تاني ومتعقدتش ولا حاجة

أدلت الفنانة رحمة محسن بتصريحات مثيرة حول حياتها الخاصة، حيث تحدثت علناً وللمرة الأولى عن تعرضها للخيانة. كما حسمت موقفها من مسألة الارتباط والزواج مرة أخرى، مستعرضة أبرز الصفات التي تتمنى توافرها في شريك حياتها المستقبلي.

وقالت رحمة محسن، خلال لقائها مع الإعلامي هشام السيوفي في برنامج «في السر»: «اتعرضت للخيانة، وكل الناس بتتخان، واتخانت من حبيب، وده نصيب، بس أنا مبغفرش الخيانة خالص، ولو الشخص رجع معتذر وموجوع مش هسامح ولا هركز».

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن موقفها من الزواج مرة أخرى، قالت: «هتجوز تاني ومتعقدتش ولا حاجة، ومحدش بيعيش لوحده، وكل شيء نصيب في الدنيا، واتعرض عليا الزواج من رجل أعمال ورفضت».

وتابعت: «مش عاوزة فلوس في مواصفات شريك حياتي، محتاجة إنه يتقي ربنا فيا ويكون راجل، ومش أي راجل يتقال عليه راجل دلوقتي، ولازم يصون الست اللي معاه».

طالع أيضا - يسرا وصفية العمري وإلهام شاهين وليلى علوي ولبلبة من بينهم ... صابرين تحتفل بزفاف نجلها بحضور النجوم

وأضافت رحمة محسن: «مستحيل أوافق أتجوز واحد مقابل إني أسيب مجالي لو طلب مني، أنا موصلتش للي أنا فيه بسهولة».

كما تحدثت رحمة، عن علاقتها بالشهرة والمال، قائلة: «مفيش حاجة فرقتلي في حياتي قد حب الناس، والشهرة والفلوس مغيرونيش، وناسي وصحابي هما هما، وأتمنى أفضل كده طول عمري».

وكشفت عن طبيعتها الحساسة وقرب دموعها، قائلة: «لو وقفت قدام نفسي في المراية هقولها شكرًا، برافو عليكي، وعلى طول بعيط لأن دمعتي قريبة وأي حاجة بتأثر فيا».

واختتمت حديثها قائلة: «وأنا مش الأعلى أجر ولا حاجة».

ابحث في الأخبار

فيديو - رحمة محسن: هتجوز تاني ومتعقدتش ولا حاجة

التعليقات